كلاكيت كذا مرة....عصام_قابيل
September 13, 2023 at 10:23 pm,
No comments
.كلاكيت كذا مرة
قصة خاطرعصام_قابيل
كان ليا خاطر داس على طرفه
وابور الحب الرهيب
قالولي لازم علشان تعالجه
تروح بسرعة للطبيب
روحتله طلب مني أشعة
وقالي ياريت قوام ماتغيب
عملتها قوام في نفس الساعة
واخدت كل مافي الجيب
بص الطبيب في الأشعة وقاللي
انشرخ! والشرخ راح يغيب!!!
قلتله ايه العمل وانا المصاب تمللي
قاللي اسمع و لجل ما يطيب
والحل يابني جميل ميسور
وكل شئ قسمة ونصيب
وإلا هاتلاقيه راح مكسور
قلتله هات الحل النجيب
قالي يلزمك ورد فراق معصور
وطير الشوق راح تجيب
ويبات عندك في قفص مأسور
ويبقى الوداع هو النصيب
وتبني بينك وبين حنينك سور
لجل خاطرك بعدها مايخيب.
#عصام_قابيل